Nizan lamah Barcelona president thusawi kan tarlang, Josep Bartomeu chuan an hnen atanga Neymar an leichhuak a nih chuan Fifa Financial Fair Play dan an bawhchhiat tur thu PSG a hrilh a nih kha.

Chuvang chuan Barca president chuan Neymar hi club lian tan pawha lei phak chi a nih loh thu chiang takin a sawi.

Neymar-a buy-out clause hi €222m lai a ni a, hei hi pe ringawt pawh nise; a bak a la ngai teuh mai. He pawisa hi Barcelona hnena an pek tur chauh a la ni.

Kum 5 chhung tal atan PSG hian Neymar hi contract an ziahpui ngei a ngai dawn a, chuti a nih chuan Neymar-a hlawhah kum khat chhungin PSG hian €30m vel emaw tal an pek a ngai dawn a, kum 5 chhung chuan €150m a kai daih dawn.

Tin, tax hi an awlru te a nih ngawt loh chuan anni ramah chuan pek ngei ngei a ngai, a lo berah €156m emaw vel tal tax-a an chhun luh a ngai dawn. Sum chevel hi chhut ta ila, a pumpui chuan €528m vel a ni thei dawn tlat mai, player pakhat tana hetiang zah sum sen tur nei mahse FIFA Financial Fair Play dan an bawhchhiat ngei a rinawm a ni.