Manchester United chuan an goalkeeper Victor Valdes chu Turkish club Besiktas ah free transfer in an chhuahtir hnai niin Mirror chuan a tarlang.
Darkar 48 chhungin Valdes-a transfer hi a fel hman ngei tura rin a ni bawk.
Valdes hian United reserve team tan a khel duh lo niin Louis Van Gaal chuan a lo sawi tawha, hetia boss ber nen an inkar boruak a chhiat tak avang hian a tan chhuah mai loh chu duhthlan tur dang a awm ta lo niin a lang.
Van Gaal-a'n reserve team tana a khelh duh loh avanga tour a hruai lo a nih thu a sawi tum khan Valdes hian Twitter lamah reserve team tana a khelh zia a pholang ve nghal zat a nih kha.
Kum 33 a upa Barca keeper hlui Valdes hian thla 18 daih United ah contract a ziaka, Besiktas lam hian kum hnih daih contract an zawrh mek thung.