Valdes a'n Van Gaal khak let !!!

16th July 2015, 11:07PM

Man Utd boss Louis Van Gaal chuan Barcelona goalkeeper hlui Victor Valdes a'n a thu awih lova reserve team tan a khel duh loh avangin hralh a nih tur thu a lo sawi tawh a nih kha.

Twitter kaltlangin Valdes chuan a pu Gaal-a chu a khak let ve ta siah mai le. Respect (inzahna) tlachham ah a pu chu puhin reserve team tana a khelh zia tilang thei thlalakte a pholang zui bawk.

Seattle-a press mite hmaah Van Gaal chuan reserve tan a khelh duh loh avangin Valdes chu tour a hruai lo a nih thu leh hralh a nih tur thu a sawi tel bawk.

Kal dan phung ka nei bika, chu ka kal dan phung zawm thei lo chu OUT a ni mai. Kum hmasa lam khan second team tan a khel duh lo tawh a ni tiin Gaal-a chuan Valdes chungchang a sawi.

January thlaa United tana thla 18 daih contract ziak Valdes hi a chhuah mai a rinawm ta a, Valencia chuan loana lak theih an inbeisei ve mek bawk.

Copyright © inkhel.com 2024. All rights reserved.