McDowell's No 1 Soda Mizoram Premier League Round 12 chu November ni 19, 2015 khan AR Lammualah khelh tan a ni a, match hmasa berah Zo United FC chuan 4-1 laiin Mizoram Police FC an hneh.
Mizoram Police FC dinhmun a tha lo hle a, khelh 12 atangin point 8 chiah an la hlawhchhuak a, MPL table mawngah an la awm mek. khelh hnih chiah a awm tawh avangin inhamtang tur chuan an match hnuhnung pahnihah hnehna an chan a ngai dawn a ni. Mizoram Police FC hian Round 13-ah Luangmual FC an hmachhawn anga, Round 14-ah Bethlehem Vengthlang FC an hmachhawn leh ang. Hetah hian chak ve ve pawh nise Chanmari West FC leh Luangmual FC dinhmunah an innghat tel bawk dawn a ni.
Mizoram Police FC 1-4 Zo United FC
(Lalramtharmawia 56') (Lalliansanga 1', Ricky Lallawmawma 28', R. Lalthantluanga 43', Lalhmingliana Kawlni 60')
Mizoram Police FC: Andrew Lalhmingliana, Lalropuia, Lalhmunmawia, JS Lalruatthanga, Lallawmzuala, Lalramtharmawia, V. Laltanpuia, Lalfakzuala, Lalfakawma, Lalsangbera, Lalnunmawia.
Subs: J. Vanlalhriata, TC Vanlalhruaia, Samson Lallawmawma, B. Zoramthanga, Lalbiaknunga, Lalbiaknunga, Lalhriatzela, Lalhriatpuia, Vanlaldika, Lalruatpuia.
Zo United FC : Lalawmpuia, Malsawma Chhangte, Lalremtluanga, Lalnuntluanga, Ricky Lallawmawma, R. Lalthantluanga, Isak Vanlalpeka, Lalliansanga, Samson Ramengmawia, PC Laldinpuia, Laldinliana Varte.
Subs: Lalrinhlua, Lalrinzuala Khiangte, Francis Lalpekhlua, Vanlalchhanhima Sailo, Lalhmingliana Kawlni, James Lalhmingliana, K. Lalnunzama, Malsawmdawnga, Zothansanga.
Zo United hian first half-ah goal thum lai Lalliansanga, Ricky leh Lalthantluanga te hmangin an khung. First half-ah inkhel a zo kan ti thei tawh awm e. Second half tan tir 56th mins-ah Lalramtharmawia chuan Mizoram Police FC tan 20 yards atangin free kick mawi takin pet goal mahse minute 4 hnuah Lalhmingliana Kawlni chuan Zo United FC tan goal a khung leh si a, 4-1 laiin Zo United FC chuan hnehna an chang ta a ni.
Mizoram Premire League Seaso 4 hi kum dang zawng aiin a HOT a, a chhan chu Semi final khelh a nih dawn vang a ni. Kum dangah chuan a hma lam ho an fal hman thin em avangin a tawp lamah game a dul tawh thin a, tun season-ah erawh chutiang a awm lova, a mawng lamin relegate hlauin theih tawp an chhuah a, a bakin semi final khelh tumin theih tawp an chhuah bawk a, game ho mai mai a awm thei tlat lo mai.
Chanmari West FC-in Chanmari FC an hneh lova, khelh 12 ah point 11 an nei a, Zo United FC erawh semi final khel thei dinhmunah an awm mek. Palina chinin semi final an khel dawn a, Zo United hian Bethlehem Vengthlang FC leh Dinthar FC an la hmachhawn dawn, an dinhmun tha tak hi an humhim zo angem ? Season tawp thlengin a HOT dawn tihna a ni.