June ni 16, Zirtawp zing khan Central YMA leh Mizoram Football Association (MFA) tangkawpin an buatsaih TT Royte Trophy Inter Branch YMA Football Tournament  Chhinga Veng leh Salem Veng chuan chhumzing vang a an khelh hun tih danglam chu Rajiv Gandhi Stadium-ah quarter final match hnuhnungber an khel a, Chhinga Veng chuan hnehna changin semifinal an lut ta a ni.

Semifinal hi double leg-a khelh tur a ni a, 1st leg hi June ni 19, Thawtanniah khelh tan tur a ni a, 2nd leg hi June ni 21, Nilainiah khelh leh tur a ni.

Semifinal lut te: 1. Ramhlun South 2. College Veng 3. Chanmari 4. Chhinga Veng

Chhinga veng 5-0 Salem veng

(Lalkhawpuimawia 26', 74', Rochharzela 35', 67', Lalthlamuana 78')

Semifinal luh inchuh Chhinga Veng chuan 5-0 a Salem Veng sawpin semifinal an lut ta a ni. Inkhel tan a ni a, Chhinga Veng chuan inkhel thu nun zawkin minute 26-ah Khawpuimawia chuan an goal hmahruai a khung a, minute 9 aral leh hmain Rochharzela chuan an goal hnihna a khung leh nghal zat bawk.  Goal dang luh belh lo in chawlh lawk an hmang.

Second half tan a ni a, Chhinga Veng chuan inkhel thu nun chhawnzawmin minute 10 chhungin goal thum an thun hman. Rochharzela, Khawpuimawia leh Thlamuana chuan an goal khat theuh an khung leh a, Chhinga Veng chuan 5-0 in hmaanhruai a, minute 68-ah Salem Veng player David-a chu Chhinga Veng player Chhuanpuia chuan a tlawh a vangin Chhuanpuia chu hnawh chhuah a ni. Salem Veng chuan an siphurh sut tumin nawr ve bawk mahse goal erawh an thun thei lo. Chhinga Veng chuan 5-0 in hnehna an chang ta a ni.

June 19, Thawhtanni semifinal 1st Leg Fixtures:

01:00 PM Ramhlun South vs Chhibga Veng

03:30PM College Veng vs Chanmari

June 21, Nilaini semifinal 2nd Leg Fixtures:

01:00 PM College Veng vs Chanmari

03:30 PM Ramhlun South vs Chhinga Veng

(adsbygoogle = window.adsbygoogle || []).push({});