Singapore-a WTA Finals khelh mekah Caroline Wozniacki chuan 6-0, 6-2 in Simona Halep a hneh a semi-final a lut.

Wozniacki hian a game hmasa berah Elina Svitolina a hneh tawh a, heti hian Red Group ațanga semi-final lut hmasa ber a ni ta bawk.

Red Group inkhel dangah Caroline Garcia chuan 6-7, 6-3, 7-5 in Svitolina a hneh a, semi-final lut turin hun țha la nei mahse Halep leh Svitolina pawhin hun țha an la nei ve a Zirtawpni hian robin-round match hnuhnung ber an khel dawn a engkim a chiang ang.

White Group lam ațangin Karolina Pliskova chuan semi-final a lut tawh a, hemi group ațang hian Garbine Muguruza leh Venus Williams-te'n semi-final luh an inchuh veleh dawn a ni.