Manchester United chuan Tottenham striker Harry Kane chu £100million-a Old Trafford-a lakluh an tum mek niin Mirror chuan a tarlang.
Jose Mourinho chuan Real Madrid striker Morata chu £60m velin a lalut mai tawh dawn nia report a awm mek laiin Morata bakah Kane chu United hmatawng ti chak turin Red Devils chuan a ngaihven mek nia thuthang a awm mek e.
Cristiano Ronaldo chu chhiah awlru nia puh a nih avangin Spain-a cham chhunzawm zel a chak lo tih a chiang, hei vang hian United nen sawi zawm a ni chhunzawm nghal a.
Unitde executive vice-chairman Ed Woodward chuan Ronaldo hi ngaihven mahse Real Madrid a chhuahsan a rinawm loh avangin Spurs star Kane lam an hawi mek niin English Media te chuan an tarlang.
Tottenham chuan Kane hi chuti maia an chhuah tir a rinawm loh. Spurs chairman chairman Daniel Levy chuan eng ang pawhin Kane chu lei dil mahse hralh an tum loh thu a sawi chiang. Hetih lai hian £100m vel United-in an thehchhuak a nih ngat chuan Spurs hian an hnar phal a rinawm loh a ni.
Hun reitak ata Jose Mourinho hi Kane-a khelh dan duh em emtu a ni a, engzat man pawh nise Jose chuan Kane hi lei hrim hrim a tum tawh dawn nia sawi a ni. United chuan Milan midfielder Ivan Perisic chu an hnaih zel a, Chelsea midfelder Nemanja Matic pawh Jose-a duh zingah a tel niin Mirror chuan a tarlang bawk.
Picture credit : Getty