World number one Dustin Johnson chuan World Golf Championship Match Play-ah Spain mi John Rahm a hmchhawn ang.

World Golf Championship Match Play final hi Pathianni leh peka khelh tur a ni a, Texas khawpuiah khelh a ni ang.

Kum 32-a upa Dustin Johnson hi a zawngin World Golf Championship-ah vawi thum a champion tawh a, a vawi lina turin champion-na huntha a nei mek. Johnson hi a champion leh a nih chuan a zawna World Golf Championship-a vawi li champion thei hmasa ber a ni dawn a ni.

Johnson-a'n final-a a hmachhawn tur Jon Rahm hi lehkha zirlai a la ni a, tunah hian Arizona State University-ah a kal mek a ni.

Jon Rahm hi kum 22 mi lek a la ni a, Johnson-a hi a hneh a nih chuan khawvela World Golf Championship Match Play-a champion thei naupang ber a ni ang. A title hmasa ber hi January khan a chawi a, Farmers Insurance Open, Torrey Pines-a neihah a vawikhat nan a champion a ni. 

Tunah Rahm hi world ranking-ah No.25-na a ni mek a, hmabak eng tak a nei niin a lang.

Dustin Johnson hian Japanese player Hideto Tanihara chu 1 UP-in semi-final-ah a hneh a, semi-final inkhel dangah Jon Rahm chuan Bill Haas chu 3&2-in a hneh ve bawk.