Kum 40 mi Wladimir Klitschko chuan thla thar ni 29 a Tyson Fury nen an inhnek zawhah chawlh mai ala tum loh thu a manager Bernd Boente chuan a sawi.

Wladimir Klitschko hi hnehloh nei loa vawi 22 zet a chak hnuin Tyson Fury chuan November ni 28 2015 khan a rawn hneh a. Kumin chhung khan rematch hun tur ngaihtuah a ni a, mahse a remchang hleithei lova tunah hian thathar ni 29 a inhnek tura beisei an ni. Klitschko hi he an inhnek zawh hian a chawlh mai rin a ni a mahse, a manager chuan ala chawlh loh tur thu a sawi. Wladimir Klitschko hian a boxing career-ah vawi 64 chak tawhin, vawi li a tlawm a, knockout 53 a nei tawh a ni.

Bernd Boente chuan, "Wladimir Klitschko hi nakum lamah pawh ala inhnek ang tih chiang takin ka sawi ngam. Nakum lama a tum tur erawh tu nge ni anga khawi hmunah nge ni ang tih ruahmanna engmah ala awm lo thung. Tunah tak hi chuan 100% in thla thara a inhnek turah hian rilru kan pe rih a ni, hei hi a inhnek hnuhnung ber tur a ni lo ang." tiin a sawi a ni.

(adsbygoogle = window.adsbygoogle || []).push({});