Mizoram Volleyball Association buatsaih (MVA) North East Zone Volleyball Coach & Referee Refresher Course chu July ni 6, Ningani khan R Dengthuama Indoor Stadium-ah neih zawh a ni a, a kharna hun hi zan dar 7:30 PM-ah Chhungte International Restaurant Electric Vengah neih nghal a ni.

A kharna hun hi Pu Dr Lalmalsawma President MVA kaihruaina hnuaiah hun hlimawm tak hman a ni a, PUC Cultural Troop ten Cultural Dance hmuh nawm tak an entir bawk.

Coach & Referee Refresher Course-a tel mi 25 te hnenah certificate hlan an ni a, Instructor G. E Sridharan leh S. Beny Coonghe te hi hriatrengna thil pek Pu Dr Lalmalsawma President MVA chuan a hlan a ni.

Chief Guest Pu Ronald Sapa Tlau, MP Rajya Sabha chuan Association te hmalakna zarah Volleyball-in hma a sawn zel a vang a lawmawm atih thu leh mizo te hi pumruaah lian lo mah ila, theihna kan nei tih a chiang a, sports-ah hian ei zawnna a awm a, hlawh tling tur erawh chuan mi aia beih nasat angai thung. Thangthar te hian infiamna kan mamawh a, kan ram siam thatna kawng hnai ber pawh a ni. Hmasawn turin theih tawp chhuah i la, National team-ah mi eng emaw zat tal tel thei turin infiam miten tan la ula Mizo te tan Nation squard-ah awmna chance-a awm thu an sawi bawk.

(adsbygoogle = window.adsbygoogle || []).push({});