Mizoram premier League (MPL) Season 6 Qualifier match hnuhnung ber chu December ni 12, Thawhtan khan Venghlui FC leh New Serchhip FC ten an khel a, New Serchhip FC chuan 2-1 in hnehna an chang a, Ramhlun North FC nen play off an khel dawn ta a ni. Play off hi first leg leh second leg khelh tur a ni ang. December ni 14, Nilainiah first leg an khel ang a, ni 16 zirtawpah second leg an khel leh ang.

Mizoram Police hian an match hmansa berah 5-2 a New Serchhip FC an hneh hnuah Venghlui FC 6-1 a hneh leh in MPL 6 khel turin antling tawh bawk.

New Serchhip FC MPL Play off khel turin draw chuah atawk laiin 2-1 in Venghlui FC an hneh a, New Serchhip FC tan Lalhruaizela leh Lalremruata chuan goal khat ve ve khungin, Venghlui FC tan Lalrinhlua Ralte chuan goal khat akhung ve bawk.

Venghlui FC 1-2 New Serchhip FC

(Lalhruaizela 14', Remlalruata 72') (Lalrinhlua Ralte 90+2)

Goal lut hmasa ber hi first half tan atanga minute 14-ah Lalhruaizela a thun a ni a, goal dang luh belh lo in New Serchhip chuan 1-0 a hmahruaiin chawlh lawk an hmang a, Second half-ah New Serchhip tan bawk midfielder Remlalruata chuan an goal hnihna a thun ve leh a, 2-0 in New Serchhip chuan hnehna an chang mai dawn emaw tih hnu huntawp dawn injury time-ah Venghlui FC tan striker Lalrinhlua chuan pet goal ve bawk mahse hun atawp zui a, New Serchhip FC chuan 2-1 in hnehna an chang ta a ni.

MPL Play Off Fixtures

December 14, Nilai AR Lammual:- Ramhlun North FC vs New Serchhip FC

December 16, Zirtawp Lammual:-

New Serchhip FC vs Ramhlun North FC 

(adsbygoogle = window.adsbygoogle || []).push({});