UFC chuan December thla ni 8 a neih tur UFC 231-ah Joanna Jedrzejczyk leh Valentina Shevchenko-te chuan UFC women’s flyweight title an inchuh tur thu an puang a, UFC 231-ah title fight pahnih kan hmu dawn tihna a ni.
UFC 231-ah hian UFC featherweight champion lai Max Holloway leh Biran Ortega-te an intum dawn bawk a, anni hi headiner niin Jedrzejczyk leh Shevchenko-te hi co-main event ni tura ngaih an ni.
UFC 228 khan Shevchenko hi khatih hunlaia flyweight champion Nicco Montano chu flyweight championship-a hmachhawn tura tih niin, Montano hi a weight a cut nasat lutuk avangin damdawiina hruai ngaiin a awm a, an inhmachhawn thei lo. Hemi hnu hian UFC chuan Montano hi a UFC flyweight champion nihna chu an hlihsak zui a, tunah hian women’s flyweight title hi a awl mek a ni.
Montano a title an hlihsak hnu hian UFC chuan Shevchenko chu title shot a neih tur thu an lo puang tawh a, kumin kum tawp hian a Shevchenko hian flyweight champion nih theihna huntha a nei dawn.
Jedrzejczyk hi UFC-a a luh hnuah vawi 9 chak tawhin vawi hnih Rose Namajunas laka a tlawm bak chu chakloh a la nei lo. Shevchenko hi UFC-ah vawi ruk in fight tawhin vawi 4 chaka, vawi hnih a tlawm tawh thung. Fighter hnihte hi kickboxing lamah vawithum lo inhmachhawn tawhin Shevchenko hi a la chak vek a ni.
UFC 231 card hriat theih chin:
Champ Max Holloway vs. Brian Ortega – for featherweight title
Joanna Jedrzejczyk vs. Valentina Shevchenko – for vacant women’s flyweight title
Olivier Aubin-Mercier vs. Gilbert Burns
Chad Laprise vs. Dhiego Lima
Antonio Carlos Junior vs. Elias Theodorou
Kyle Bochniak vs. Hakeem Dawodu
Devin Clark vs. Aleksandar Rakic
Nina Ansaroff vs. Claudia Gadelha