Juventus hian Champions League nomawi chawi turin an that thu Andrea Pirlo chuan a sawi.

New York City FC midfielder hian Juventus tana a inkhelh hnu hnung berah Barcelona chu Champions League final-ah an hnehlo a, a career-a hun duhawm loh ber pawl a hman zanah a khelh mekna Juventus chu a mangtha zui a nih kha.

Pirlo chuan  Corriere dello Sport kaltlangin, "Juventus hi Champions League-ah an champion thei a ni. Club tha dangte neih ang an nei a, an tih ang an ti ve thei bawk.

"Club-in hma a sawn a, player leh coaching staff an in lungrual em em bawk.

"Kum 2015 khan Barcelona kha kan hneh thei tih kan hria a, Neymar, Suarez leh Messi-te nei mahse kan zam lo. Mahse inkhel bul kan tan that loh avangin kan chak talo a ni.

"2015 Champions League final-a kan chakloh khan ka rilru a na em em a, Bianconeri ka zawm khan ka lungawi hle a, career duhawm tak ka hmang dawn a ni tiin ka lawm hle. Mahse Champions League final-a Barcelona kan hnehloh hnu zet kha chuan engmah neilo ang vel chauh ka ni a, ka nun kha a ruak hle.

"Final-a chakloh hi chu a hrehawm vek a, Juventus tan khan a pawi lehzual. A chhan chu hunrei tak chung chu Champions League-ah Juventus hi a champion tawhlo a ni, "tiin a sawi.

Juventus hian Champions League quarter final-ah Barcelona an hmachhawn dawn a, 2015-a final-a an hnehloh Barcelona lakah chak ngei an tum tawh ang.