World heavyweight champion Tyson Fury chuan boxing a chawlhsan thu twitter hmangin a puang!

Kum 28 mi Britain hi Ukrainian Wladimir Klitschko nen tun thla ni 29-a inhnek tura ruahman ni mahse rilru lam hrisel lohna chungchang avangin Fury hian an inhnek hun a sawh leh a, a vawi hnih nan Klitschko nen an inhnek tur hi a thulh ta a ni.

A career-a a hlawh hnem ber tum ni thei match pawimawh Klitschko nen an khelh tur hi July thla khan a lo thulh tawh a. Klitschko leh Fury te hi vawi khat chu an inhnehtawk a, Fury hian hnehna a chang a, inhnek that erawh an la ti puitling thei ta rih lo a ni.

Anti doping dan a bawhchhia nia hriat a nih avangin WBA leh WBO title kawltu Fury hian hremna a hmachhawn maithei nia sawi a ni mek a. An inhnek hun a sawn leh tak avang khan mi tam takin an dem rawn a, tichuan infiamna khawvel dengchhuak chanchin thar a twitter account hmangin a puang ta bawk a ni.

"Boxing hi ka inrawlh tawhnaah chuan min ti lungngai tu ber a ni. Ka tha ber a, tichuan ka chawlhsan ta a ni," tiin.

Fury hian fiamthu a thawh nge? A chawlh thi hi a puang tak tak? Tih tunah hian an chai laih laih a, mi tam tak chuan ngaihven a hlawh tawk loh avangin hetiang thu dengkhawng hi a puang ta niin an ngai a, fiamthu mai mai a puan avangin professional sportsmen-te hmai a ti bal niin an ngai bawk.

Mi thenkhat erawh chuan anti doping agency-in an hrem dawn tho avangin hetiang hian a chawlh thu a puang ta mai niin an ngai bawk a. A tweet dan chuan smiley te a dah nuai bawk sia, hriatthiam a har khawp mai. Fighter tha tak takte nen an inbei chho zel tura kan ngaih laiin a chawl a nih chuan a pawi khawp dawn a ni.

Picture credit : Getty & Twitter