August ni 13, 2017 (USA-ah chuan August ni 12 zan) zingkar khan Seattle-a KeyArena-ah Dota 2 The International 2017 Grand Finals neih a ni a, European team 'Team Liquid' chuan 3-0 in 'Newbee' an hneh a, TI7 champion an ni ta a ni.

Valve tournament lian hi vawi 7 neih a ni tawh a, kumin hian Prize Pool $24 million lai a kai, champion team hian $10,806,301 an hum hawng a ni.

Final-a inhmachhawn team hnihte hi loser's bracket atanga Grand finals thleng ve ve an ni a, Team Liquid hi First Round-a winner's bracket atanga tla chunga champion leh thei hmasa ber an ni ta a ni.

Team Liquid hi Valve event final-a 3-0 laia an khingpui hneh thei hmasa ber an ni a, khawvela dota2 team tha ber an ni kan ti thei awm e.

Khawchhak team an che tha a, khawthlang lam team-ah Team Liquid chiah an ni chho, TI la khel kim vek Kuro “Kuroky” Takhasomi captain-na hnuaiah Team Liquid hian hnehna an chang ta a ni.

Team Liquid :

MATUMBAMAN - Lasse Urpalainen

Miracle - Amer Al-Barkawi

MinD_ContRoL - Ivan Borislavov Ivanov

GH - Maroun Merhej

KuroKy Captain - Kuro Salehi Takhasomi

Grand Finals game 1-ah minute 27 chhungin Team Liquid hian hnehna an chang a, tan atanga minute 6 chhung lek in Team Liquid hian kill 6 an nei hman, Radiant base-ah Team Liquid hian Newbee team hi an nuai chimit ta a ni.

Game 2-ah Newbee chuan bul tan tha hle mahse a tawp lamah an chesual leh tlat mai. Game thumnaah pawh Newbee an che thei ta chuang lo, Team Liquid an champion ta a, $10,806,301 an dawng ta a ni.

The International Champion lo ni tawh te leh an prize money dawn te:

2011 : Natus Vincere - $1,000,000

2012 : Invictus Gaming - $1,000,000

2013 : Alliance - $1,437,190

2014 : Newbee - $5,028,308

2015 : Evil Geniuses - $6,616,014

2016 : Wings Gaming - $9,139,002