Los Angeles Lakers guard Josh Hart chu Las Vegas Summer League MVP atan an thlang a, Lakers guard te chuan a zawnin he chawimawina hi vawi hnih an dawng ta.

Cleveland Cavaliers nen double-overtime semi final an khel a, Josh Hart hian point 37 a score a, rebound vawi 9 a la bawk a, Most Valuable Player atan hian thlan a ni a. Nikum khan Hart-a teammate Lonzo Ball chu MVP atan hian an lo thlang tawh bawk.

Lakers-a season hnihna hmang mek Hart hian Portland lakah game ruk chhungin average 24.2 point, 47.1 percent shooting, 5.2 rebound leh 1.5 steal a nei a. Thawhlehni khan final-ah Trail Blazers hi 91-73 in Lakers chuan an hneh lo a, hetah hian Josh chuan point 12 chu a score a, an team zingah chuan point score hnem ber a ni.

Summer League-ah hian Hart hi a che tha tluanchhuak a tih theih a, a khelh that theih em avangin Magic Johnson mit pawhin a fak hle a. Lakers president of basketball operations hian kar hmasa pawh khan Hart hi a fak chiam tawh a ni.

Hart hi defense leh rebound velah a thatzia chu Lakers hian an hre chiang tawh a, tun hnaiah assisant coach Miles Simon chuan a hrual nasa a, thil har dang tam tak a thiam belh bawk a, heng a thil thiam thar hi Summer League-ah hian a pho chhuak nual niin a sawi.

Tun hnaiah Lakers hian LeBron James bakah Rajon Rondo, Lance Stephenson leh JaVale McGee te an lalut a, heng player thar an lakluh bakah hian Josh Hart chu an rinrawl pakhat tur a nih a rinawm.

Lakers general manager Rob Pelinka chuan Cleveland nen an inkhelh tuma 3-pointer attemp vawi 15 a vawi 6 thuntu Hart an neih vangin Lakers chuan shooting specialist an zawn loh phah tih a sawi.