Ni thum awh State Level Muaythai Referee & Judge Seminar cum Training 2018 chu vawiin chawhma dar 10:00 khan kharna hun hman a ni a, Official mi 11-te hnenah diploma certificate grade hrang hrang hlan an ni.

(adsbygoogle = window.adsbygoogle || []).push({});

February ni 22-24, 2018 chhung khan SPES Martial Arts Gym, Dawrpuiah Muaythai Association of Mizoram buatsaih State Level Muaythai Referee & Judge Seminar cum Training neih a ni a, MAM Technical Commission Chairman Samuel Lalrozama Hmar leh Secretary V.Lalmuankima ten kaihruaiin nithum chhungin nitin season hnih an training thin.

State Level Instructors' Traning kharna inkhawm hi C.Lalenga, Sr.Vice President, MAM chuan a kaihruai a, Technical Commission chairman Samuel Lalrozama Hmar chuan report pein President Brian Lalnunhlima chuan fuihna thu sawiin certificate a sem a. Muaythai Association President chuan hmachhawp tam tak an neih zingah an ngaih pawimawh ber pakhat chu Referee & Judge te tuaihriam a ni a ti a, seminar hi lian tham zawka buatsaih leh thuai an tum thu a sawi.

Muaythai official seminar hi International Federation of Muaythai Amateur (IFMA) rules and regulations anga kalpui a ni a; practical leh theory-in official (referee, judge, jury, announcer, timekeeper, cutman etc.) hna thawh dan zir a nih bakah Muaythai basic techniques leh Thai Culture & traditions te zirtir an ni.

(adsbygoogle = window.adsbygoogle || []).push({});