Manchester City defender Benjamin Mendy chuan Twitter-ah fiamthuin a team-mate Bernardo Silva chuan a bialnu aiin amah a hmangaih thu a tarlang.

(adsbygoogle = window.adsbygoogle || []).push({});

Mendy, 23, hian thla 7 zet hliam vangin a khel thei lo a, Pathiannia Manchester City-in Swansea 5-0 laia an hneh khan a lo let.

Silva hian City goal li na kha a thun a, Tv leh thlalaka a lan danin a goal hi Mendy nen an lawm dun.

France international Mendy chuan inkhelh banah Twitter-ah thil a ziak a: "Chaw leh a bialnu aiin min hmangaih a ni" tih caption hmangin an celebrate dunna thlalak a dah bawk.

Swansea lakah hnehna an chan leh tak avang hian Pep Guardiola naute hian Premier League-ah point 90 lai an hmu tling ta a ni.