Damdawi hman phal loh a hman avanga hremna a hman zawh hnua a game hmasa berah Russian world no 1 hlui Maria Sharapova chuan hnehna a chang nghal a, Stuggart Open-ah Italian Roberta Vinci 7-5, 6-3 in a hneh.
A player pui tam takin Sharapova sawiselin dem nasa hle mahse kum 30 mi Sharapova-i'n court chhungah hnehnain a chhang let a, Roberta-i'n Sharapova dang turin theihna a nei sang tawk lo. Shrapova hian French Open qualifying khel pha tur pawhin Stuttgart-ah hian Final a thlen ngei ngei a ngai ang.
"Court chhunga kir leh hi a nawm dan a dangdai a, ka tan chuan a aia nuam a awm chuang lo. He hun thleng tur hian hun rei tak ka nghak a ni," tiin Court chhunga a kir leh thei chu a lawm thu a sawi.