Real Madrid chuan Champions League group match-ah APOEL Nicosia hmachhawnin hnehna an chang chiang hle a, goal ruk khungin knockout stage an lut.

APOEL Nicosia 0-6 Real Madrid

(Modric 23', Benzema 39', 45'+1, Nacho 41', Ronaldo 49', 54')

APOEL XI: Perez (GK); Vouros, Rueda, Carlao, Lago; Morais, Vinicius, Zahid, Sallai; Pote, Aloneftis.

Subs: Gudino, Ebecilio, Efrem, De Camargo, Alexandrou, Farias, Merkis.

Real Madrid XI: Casilla (GK); Carvajal, Varane, Nacho, Marcelo; Vazquez, Modric, Kroos, Asensio; Benzema, Ronaldo.

Subs: Vallejo, Ceballos, Mayoral, Hernandez, Ramos, Casemiro, Isco.

Inkhel an țan chiah Real Madrid-in hun tha an nei nghal a, Benzema leh Ronaldo inkawpin goal an thawkchhuak nghal teuh hle a APOEL an in venghim thei hram.

Minute 20 an khel tlin meuh chuan mualneitu lam an in venghim zo tawh lova Luka Modric chuan box pawn ațangin Real Madrid goal hmasa ber mawi takin a hlap lut.

Real tan Ronaldo a langsar a goal khung nghal mai lo mahse Real Madrid tlarhma a ti phuisui hle.

Minute 39-naah mikhual team bawkin goal an khung leh a Karim Benzema chuan Toni Kroos ball pek luh țha tak hmangin an goal hnihna a khung.

Benzema goal khung hnu lawkah Nacho hun a thleng ve nghal a, corner ațanga ball kal Varane tauh chu APOEL goalkeeper Perez hmaa a awm laiin a khawih peng zauh a goal-ah a chantir.

First half tawp hma hret hun pekbelhah Benzema bawkin goal a khung leh a, Ronaldo siamsak țha tak hmangin french forward hian an goal lina a khung.

Half time anih chuan chak zawk tur a chiang tawh viau a, mikhual team-in an khungbelh a beiseiawm zawk bawk.

Second half an țan a minute 49-naah Ronaldo chuan an goal ngana a khung zui ve nghal a, hemi hnu hian APOEL tana hlauhawm takin a khawsa zui leh bawk.

Portugal captain Ronaldo hian minute 54-naah an goal rukna a khung leh a, Benzema thawhrah sengin he inkhela a goal hnihna hi a khung.

Real Madrid-in inkhel thunun zui zel mahse goal erawh a luhbelh tawh lo va chiang taka chakin Cyprus-ah goal ruk an khung a knockout stage an lut bawk.

Real Madrid forward Cristiano Ronaldo hian kumin Champions League bikah goal 18 a khung tawh a, player mal zingah kum khat chhungin Champions League-a goal khung hnem ber a ni ta bawk a ni.