Khawvela striker tha ber ti hiala mi tam takin an sawi Brzilian striker ropui Ronaldo Luís Nazário de Lima chuan footballer tha a tih 11 a thlang chhuak a, Pele leh Maradona-te mai bakah player langsar tak tak hlir an ni.

Ronaldo hian Lionel Messi a thlan laiin C.Ronaldo erawh a thang tel ve lo thung. Goalkeeper atan Gianluigo Buffon a thlangchhuak a. Defending thiam hmingthang Italian defender Paolo Maldini leh Fabio Cannavaro-te defence laiah inkawpin, Brazilian full-back pahnih Roberto Carlos leh Cafu-te a sirah an awm bawk.

Midfield laiah Zinedine Zidane leh Andrea Pirlo-te pahnih a inkawp tira, Lionel Messi leh Diego Maradona-te a sirah an awm bawk. Tlarhma pawh an nep lo riap riap hle, Ronaldo hian a kawppui ni turin a hnampui Pele a thlangchhuak.