La Liga lamah beisei pha hrihlo viau mahse Cristiano Ronaldo chuan Champions League lamah record thar a siam leh mai a rinawm hle.

Ronaldo hian kum khat chhunga Champions League a goal thun tam thei ber record a neih mek lai chu naktuk zinga Apoel Laka goal a thun a nih chuan a rawn khum thei dawn a, kum 2015 a goal 16 thun a record alo siam tawh chu a rawn khum thei dawn a ni.

Kum 32-a upa Ronaldo hian Champions League lamah record a nei tha hle a, kumin ah leh kum 2015-ah te khan kum khat chhungin goal 16 Champions League-ah thun tawhin kum 2013 khan goal 15 alo thun tawh bawk a, a hnuaiah chiah hian Messi chu awmin kum 2012 leh 2013 te khan Messi hian goal 15 lo thun tawhin Messi goal thun zat ang hi Ronaldo hian kum 2012-ah te leh kum 2014-ah te alo thun ve tawh tho bawk a ni.

Champions League history a goal thun hnember Ronaldo hian Champions League season khat chhunga goal thun hnember nihna kum 2013-14 khan alo chang tawh a, khami tum khan goal 17 lai thun in tun season-ah goal 6 lai a thun leh tawh bawk a, top scorer a ni leh mek.