Ronaldo chuan Real Madrid a contract a hman zawh hunah Real a chhuahsan theih thu a sawi. Ronaldo hian Real Madrid-ah kum 2018 thleng contract ala nei a, a club hlui Manchester United leh PSG nen tun hnaiah sawi zawm an ni reng thin a ni.
Ronaldo hian kum 2008 khan a hunlaia player man to ber niturin £80 million laiin Real Mardid a pan a, Madrid-ah hian kum ruk cham tawhin Real tana goal thun hnem ber a ni tawh a ni. Ronaldo hian a hmalam hun sawiin," Spain-ah hian kum ruk ka awm tawh a. Manchester United-ah pawh kum ruk tho ka awm hman a, hun hlimawm tak a ni. Nimahsela ka tan chuan La Liga hi khawvela League tha ber a ni,"tiin Marca chanchinbu-in season hmasaa top scorer a nihna an lawmsak naah a sawi.
Kum 31 a upa Portuguese Forward hian sawi zawmin," He hmuna ka awm thei hi ka tan chuan a lawmawm hle a ni. Kum engemaw ti chhung chu he hmunah hian ka la awm anga ka hmalam hun chu ka la hria ang. ka contract neih hun chhung hi chuan theihtawp chhuah ka duh a ni." tiin Real a chhuahsan theih thu a sawi. Sporting Lisbon atanga inzir chhuak Ronaldo hian MLS lama khelh a chak thu sawi mahse PSG Coach Blanc hnuai khelh a chak thu pawh a sawi tawh bawk a nih kha. PSG sum ngah zia hretu tan chuan Ronaldo-a'n Paris khawpui a pan a nih pawhin mak kan ti lo ang. Zlatan Ibrahimovic la che tha chho viau mahse kum 34 lai a ni tawh a, PSG hian Zlatan thlaktu atan Ronaldo hi an duh nia sawi a awm bawk.
Ronaldo hian a award dawn chu a teammate-te vang chauha dawng thei a nih thu a sawi bakah Fans-ten an tan zel a beisei thu leh an tan Champion League a chmapion leh ngei an tum thu a sawi bawk. Ronaldo hian tun season khelh mekah Real tan game 30 khel tawhin goal 29 a thun leh tawh a ni.