Mahuma Memorial Cricket Tournament chu Round 2-na November ni 18, 2016 khan khelh tan a ni a, President's Cup Final-a inhmachhawn Chanmarians leh Kulikawn an intum leh a, Chanmarians an chungnung leh zawk a ni.

Round 2 match hmasa berah hian toss-a vannei zawk Chanmarians ten vuak hmasak an thlang a. Opener Lalhruaizela hma takah a out nghal, lehlamah Lalhmangaiha khel tha viau mahse a team-mate ten an thlawp that tawk loh avangin an dinhmun a chhe hman hle a, a tawp lamah F. Lalmuanzuala'n run 44 rawn vaw chhuakin Chanmarians dinhmun a rawn chawi kang hle.

Over 37.5 ah run 129 siamin an out vek a, Kulikawn bowler zingah Captain Micharl Lalremkima a vawm tha fal, over 8 ah run 20 pein wicket 4 a la a ni. Round 1 a chak tawh lo champion lai Kulikawn ten chak loh nawn an duh loh avangin an tang hle a, an fimkhur hle bawk.

President's Cup Best Batsmen C. Lalrinsanga chu hma takah a out a, Captain Michael Lalremkima leh Assam atanga an chah luh Prasanjit Sarkar ten partnership an nei tha hle. Michael Lalremkima hian run 24 a siam a, Prasanjit hian run 44 siam bawkin; an inhnehtawk hle, chak tur zawk hriatthiam a har hle a, a tawpah President's Cup Champion Chanmarians bawk chungung leh a. Kulikawn te hian overs 39 ah run 115 chiah an tlin a, an out fai ta vek a, Chanmarians te hi run 14 in an chak ta a ni.

19.11.2016 (9:15AM)

Zarkawt Lords vs Tlangnuam CC