Barcelona player ropui ni thin Ronaldinho chuan Manchester United midfielder Paul Pogba chuan Jose Mourinho thu a zawm that chuan Ballon d'Or a dawng theih thu a sawi.
(adsbygoogle = window.adsbygoogle || []).push({});
Khawvela midfielder langsar ber pawl french midfielder hian tun season-ah Portuguese coach hnuaiah beisei a pha lo a, Old Trafford chhuahsan tur angin sawi a tam phah viau.
Kan hriat angin 2007-a Brazil player Kaka-a'n Ballon d'Or a dawn hnu khan Real Madrid forward Cristiano Ronaldo leh Barcelona forward Lionel Messi te chuan tum 5 ve ve an la a, he award hi an ta neih a ni ber.
2005-a Ballon d'Or dawng tu Ronaldinho chuan he award dawng tu list-ah Paul Pogba chuan a hming a dah ve ngei theih a rin thu a sawi chhuak.
"Ballon d'Or hi a dawng thei a. Talent tha tak a nei a ni," tiin Dinho hian Canal Football a hrilh.
"A la naupang a, talent a nei tha em em bawk a. Hmun tinah a khel thei a ni. Free-role angin a khel thei a; tin, defensive angin a khelh theih bakah 'runner' emaw 'attacker' a ni thei bawk a ni.
"Hmun tina khel tur hian theihna sang tak a nei a, 'history' a siam thei a ni," tiin a sawi bawk.
Pogba - Inrinni FA Cup semi final-a Sanchez-a goal thun tur siamsak tu - hian tun season-ah beisei angin a khel tha lo hle a, manager Mourinho nen an inkarah buaina a awm niin thuthang pawh a tam hle a nih kha.
Kum 25 mi - Pound Maktaduai 89-a Juventus atanga United zawmtu - hian Champions League last-16 a Sevilla an hmachhawn khan first-leg leh second-leg ah inkhel bul a tan lo ve ve a nih kha.
Mourinho nen an inkar buaina avangin French midfielder hian chhuah a tum niin sawi a tam laiin Ronaldinho chuan Mourinho hnuaiah tha taka a inzir chuan khawvela player tha ber a la nih theih thu a sawi a ni.
"Tun hnaiah Mourinho hnuaiah bench-ah a hun tam a hmang a. Keipawh PSG-a ka awm lai khan coach Luis Fernandez-a hnuaiah bench-ah ka thu nasa. Amaherawhchu hmasawn zel theih a ni, Ballon d'Or hi a la dawn ve ngei pawh ka ring.
"Ka ngaihdanah chuan Paul [Pogba] hian Mourinho atangin zir tur tam tak a la neiin ka hria. Khawvela manager tha ber pawl a ni mek a; tin, hetiang ang coach - trophy tam tak la thei hi chuan zah an phu ve hrim hrim a ni," tiin Ronaldinho hian a sawi a ni.