Olympic Day Celebration 5s Hockey Tournament (Men & Women) chu June ni 21, Ningani khan Chaltlang field-ah khuallian Pu C Laltlanthanga MSSC Secretary chuan a hawng.
He Tournament-ah hian Mipa team 6 an tel thei a, Group A-B ah then an ni a, Group A-ah Kawnpui Hmar Veng GSA, Sihphir H/C 'A' leh Zemabawk North H/C te awmin Group B-ah Friends Club Aizawl, Mahmui H/C Kawnpui leh Sihphir H/C 'B' te an awm thung.
Hmeichhia hi team 3 awmin Hockey Association Kolasib District, Rokimi Hockey Club Sihphir leh Pachhunga University College te an ni.
Tournament tanniah hian Mipa inkhel vawihnih leh Hmeichhia inkhel vawi khat a awm. Mipa inkhel hmasa ber tur Sihphir H/C 'B' te an kal loh avangin Mahmui H/C Kawnpui chu chakzawkah puan an ni.
Hmeichhia inkhelah Rokimi H/C Sihphir chuan 8-4 in Hockey Association Kolasib District an hneh. Sihphir tan PC Lalrambeiseii chuan goal thum a khung a, K Ngaihpari leh R Lalsangzuali chuan goal hnih ve ve khungin Lalrinchhani chuan goal khat a khung ve bawk. Kolasib tan Lalmuanawmi chuan goal hnih a khung a, Lalruatkimi leh Lalthazuali chuan goal khat ve ve an khung bawk.
Mipa inkhel hnuhnungah Sihphir H/C 'A' leh Zemabawk North H/C te hunpangngaiah 4-4 a an inhneh tawk hnuah penalty shout-out in chak zawk zawn a ni a, Sihphir H/C 'A' chuan 4-1 in hnehna an chang ta a ni.
June ni 21, Ningani Results:
11:30 AM Mahmui H/C Kawnpui 3-0 Sihphir H/C 'B' (Men)
(Walk Over Sihphir H/C 'B')
01:00 PM Hockey Association Kolasib District 4-8 Rokimi H/C Sihphir (Women)
Kolasib Scorer: Lalruatkimi, Lalmuanawmi 2 goal, Lalthazuali.
Sihphir Scorer: Lalrinchhani, K Ngaihpari 2 goal, PC Lalrambeiseii 3 goal, R Lalsangzuali 2 goal.
02:00PM Sihphir H/C 'A' 4-4 Zemabawk North H/C (Men)
(Penalty wins 4-1 Sihphir H/C 'A')
Sihphir 'A' Scorer: Ramthianghlima 2 goal, Lalvenhima, Lalneihkima.
Zemabawk North Scorer: Lalrinnunga 2 goal, Lalduhsanga, David Zorinsanga.
June ni 22, Zirtawp Fixtures:
11:30 AM Sihphir H/C 'A' vs Kawnpui Hmar Veng GSA (Men)
01:30 PM Hockey Association Kolasib District vs Pachhunga University College (Women)
02:30 PM Mahmui H/C Kawnpui vs Friends Club Aizawl (Men)
(adsbygoogle = window.adsbygoogle || []).push({});