National Sub Junior Football Championship North East Zone Qualifying Round chu August ni 20, Thawhtanni khan khelh tan a ni a, Mizoram chuan an match hmasa berah 14-0 in Tripura an sawp.

Mizoram 14-0 Tripura

(Rohlupuia 28', 42', 50', Vanlalmalsawma 37', 39', 43', Vanlalmuanpuia 54', 83', Isak Zomuanpuia 85', 86', C. Lalhunmawia 67', Lalfakzuala 52', Malsawmhlua 64', Jacob Lalhmangaiha, 90+2')

Mizoram tan Rohlupuia leh Vanlalmalsawma chuan hattrick a siam a, Vanlalmuanpuia leh Isak Zomuanpuia chuan goal hnih ve ve khungin C. Lalhunmawia, Jacob Lalhmangaiha, Lalfakzuala leh Malsawmhlua te chuan goal khat theuh an khung bawk.

He Championship-ah hian India hmar chhak state pasarih zingah paruk an tel thei a, state paruk te hi group pahnihah ṭhen an ni  a, vawi khat theuh an inkhelh kual hnuah a säng ber ve vein final round an khel ang.

Mizoram hian August ni 24, Zirtawpniah Meghalaya an hmachhawn leh ang.

Mizoram hi Group A-ah Tripura leh Meghalaya nen an awm a; Group B-ah Manipur, Assam leh Arunachal Pradesh te an awm ve bawk.

August ni 21, Thawhlehni Fixtures

Assam vs Arunachal Pradesh

August 22, Nilaini Fixtures

Tripura vs Meghalaya

August 23, Ningani Fixtures

Arunachal Pradesh vs Manipur

August 24, Zirtawpni Fixtures

Meghalaya vs Mizoram

August 25, Inrinni Fixtures

Manipur vs Assam

(adsbygoogle = window.adsbygoogle || []).push({});