Mexico Open khelh mekah World number two Novak Djokovic chu quarter-final inkhelah straight set in Australian Nick Kyrgios-a'n a hneh.

Kum 29-a upa Djokovic hian Australian Open-a a chakloh hnuah tun tum hi a inlan leh hmasakna ber a ni a, beisei nei sang viau mahse Kyrgios a hnehloh avangin 2017 Mexico Open-ah semi-final a thleng zo ta chuanglo.

Djokovic hi seeded niin Nick nen hian darkar khat leh minute 47 chiah an inkhel a, Nick hi 7-6 (11-9) 7-5 in a chak a ni. Anni pahnih hi an vawikhat in hmachhawnna a ni a, Australian pa Nick hi dingchang zawkah a tang ta a ni.

Nick Kyrgios hi kum 21 leka upa a ni a, World No.2 a hneh thei hi a ropui hle a, hmabak eng tak a nei niin a lang.

Nick hian American mi Sam Querrey chu semi-final-ah a hmachhawn ang a, semi-final inkhel dangah Rafael Nadal chuan Marin Cilic a hmachhawn bawk ang.