Mizoram Volleyball Association (MVA) Invitation 2017 chu November ni 21, Thawhlehni zan khan Tuikual Indoor Stadium-ah khelh tan a ni a, zan hmasa berah inkhel vawikhat awmin Chhinga veng VC chuan 3-1 in TNT VC an hneh.
(adsbygoogle = window.adsbygoogle || []).push({});
Inkhel tan ațangin game a hmuhnawm bakah boruak a tang nghal hle a, State pawn player țha lalut a team thuam chak Chhing Veng tan set 1 na-ah Vengchhung tlangval Biakmuana Pro Volleyball League a mizo player țha ber a thlan chuan bul a tan tha in an team game a khai nung in point a score hnem hle a ni.
Chhinga Veng team captain Lianmawia leh Joela te an khel tha a, awlsam tak in set khatnaah hnehna an chang.
Set 2-na țan a ni a, TNT in an dinhmun rawn siam țhain middle blocker Lalrama leh Sadraka te block-a phui hle. Boiha Sailo-in captain nih a tlin a, a thawhhlawk hle bawk. Point pawimawh a hmu thei hle a ni.
Tlangsam rawlthar Jersey no.7 Dina chu en tu te zawng zawng mit fukna a ni a, team ațanpui țha in TNT in set an lak theih nan athawh hlawk hle.
Set khat ve ve an lak hnuah team pahnihte in siamtha tawn in an game a țha dun tawlh tawlh a, chak zawk tur hriat a har hle. Chhinga Veng tan re-inforce player Sujith chuan a zia rawn chhuah țanin set lakpui thei khawp in point a rawn hlawhchhuak hnem a, amah thlawp tu Biakmuana alo che țha ve bawk nen 3rd MAP ațanga an lak luh player thluak țha leh fing Joel-a defence-ah a tangkai hle bawk.
TNT-in an tih țhin danin team game an khel a, Dina, Lalrama leh Boiha Sailo ho in hmahruaituah an țang zak zak a, 25-24 a hma hruaia set laktheihna chance an neih chu bawh pelhin vanduai zawk ah an țang ta a ni.
Set 4 naah pawh a hma ang bawkin game a tang in a hmuhnawm leh hle a, player te an fit chho țan dawn chauh niin alang. Point an in umchho zak zak a, Chhinga veng tan re-inforce player Sujith rawn khel tha chho zelin danglamna siam thei player a nih zia a rawn lantir a, a team mate ten an ball hmuh chhun an chhuah lo a, defence ah lah hmuhnawm thamin an khel.
TNT tan Dina leh Lalrama khel tha viau mahse Sujith hma ah an dingchang zo ta lo.
Chhinga Veng chuan 3-1 inhnehna an chang a, he inkhelah hian Chhinga Veng player Karnataka tlangval Sujith chu Man of the Match a tan thlan a ni.
(adsbygoogle = window.adsbygoogle || []).push({});