Mizoram volleyball Association (MVA) buatsaih Invitation Tournament chu October 13, 2015 (Thawhlehni) tlai khan Tuikual Indoor Stadium-ah Pu Vanlalrema Vantawl (MJA President) chuan a hawng. Inkhel Vawi thum awmin, Inkhel hmasa berah hmeichhe team Mizoram Police SC in season opening champion Electric volleyball club 3-2 sets ( 23-25, 25-23, 19-25, 25-22, 15-11) in an hneha. Lalbiakdiki, Electric Volleyball club chu man of the match a thlan a ni.
Inkhel tum hnihnaah Mipa TNT in set hnih an hlauh hnuin huaisen takin an bei let a, season opening champion Hunthar volleyball club 3-2 sets (15-25, 16-25, 25-22, 25-23, 15-12) in an hneha. Hun pawimawhah Hunthar VC players naupanna a lang TNT in an leh thal theih phah a ni. Lalbiakmuana, Hunthar Volleyball club chu Man of the Match atana thlan a ni.
Inkhel hnuhnung berah 3rd Battallion Map leh shillong team tha ARC te an inkhel a. Inkhel hmuhnawm takah a tawpah players nei tha 3rd MAP an ding changa 3-2 sets (25-19, 16-25, 17-25, 26-24, 15-13)in shillong team tha an hneh a ni. Tomba sigh ARC player chu man of the match atana thlan a ni.
October 14, 2015 Nilaini inkhel tur thlirlawkna :
1st match ah Champion lai Power deptt. SC an in lan dawna. An ni hian season openinga an hneh loh Mizoram Police Sc an hmachhawn dawn a ni. Power lam hian openinga an hneh loh police hi hneh let an tum hle dawna. Police hian opening team hian in rintawkna neih belh zual turin openinga an hneh loh Electric Vc team chu decidingh an hneh thung.
Inkhel tum hnihnaah 3rd Battallion MAP leh Young star united an inkhel dawna. Pool khat atang team 2 semi final luh tur anih avangin Young star lam hi an tan viau a ngai ang.
Inkhel hnihnung berah Sipai team tha BSF leh Hunthar volleyball club an inkhel dawna. BSF team hi India ram state hrang hrang atang players tha lakkhawm an ni a. Tumdang a lo kal thin te aiin tun tum an team hi an tha zawkin a lang a. Hunthar volleyball club hi season opening champion an nih avangin an tang thei hle tura ngaih a ni a. Hunthar hi an chak lo anih chuan tournament a thlah liam a tul tawh dawn a ni. inkhel hmuhnawm tak a ni ang.