Wimbledon khelh mekah hmeichhe champion lai Garbine Muguruza chuan Alison Van Uytvanck hneh lovin second-round-ah a tla.

World no.47 Van Uytvanck hian seeded no.3 Muguruza hi 5-6 6-2 6-1 in a hneha third-round a luta, seeded no.27 Anett Kontaveit a hmachhawn ang.

Belgium mi Uytvanck hi a vawi khat third round luhna a ni a, champion lai a hneh tuma a khel en chuan tuna aia sang a thlen a rinawm hle a ni.

Hmeichhe inkhel dangah top seed Simona Halep chuan China mi world no.126 Saisai Zheng chu 7-5 6-0 in a hneh bawka, Su-Wei Hsieh a tum leh ang.

Halep hian set hmasa berah world no.126 laka 5-2- a a hnufual hnu in 7-5 in a leh thal a, second set-ah game zawng zawng la in world no.1 a ni tih a lan tir.