Manchester United manager Jose Mourinho chuan hliam dam fel tawh Paul Pogba a fak a, France midfielder hi 'class' hran niin a sawi bawk.

Kum 24 mi Pogba hian Inrinni zana Newcastle an hneh țumin goal khat khung bakah Anthony Martial tauh goal tur a siamsak a, kaihza hliam vangin Premier League-ah game 12 lai a khel thei lo hman.

Portuguese manager Mourinho chuan, "A khel ț ha khawp mai. Pogba hi class hran a ni a, season țan tir ațangin Nemanja Matic nen an inkawp a kan team nawr kaltu ber an ni." tiin a sawi.

Newcastle an hmachhawnna inkhelah hian Zlatan Ibrahimovic pawhin minute 14 chhung khelmualah hun a hmang a, Swedish striker hi April 20 hnu khan khup hliam vangin a chawl char char a tun season-a a game hmasa ber a khel ve chiah.

Mourinho chuan player hliam an dam laiin țhenkhat an hliam ve zel a, team vannei an awm tih a sawi bawk a ni.