Footballer tha te'n an hun tawp lamah sum tamna US an pan nasa a, kum 2007-a David Bekcham-a'n Real Madrid chhuahsana LA Galaxy a zawm hnuah footballer tha te'n US an pan nasa zual kan ti thei ang.

BBC Sports tarlan danin tun season MLS-ah AC Milan leh Real Madrid midfielder hlui Kaka-a'n a hlawh hnem ber a, Lionel Messi leh Cristiano Ronaldo tih loha Ballon d'Or dawng thei hnuhnung ber Brazilian midfielder hian £5.6m a hlawh ang.

Manchester United atanga Chicago Fire zawm hlim Basti pawhin £4.2m lai a hlawh dawn a, MLS player zinga hlawh hnem ber 7-na a ni ang. American player zingah Toronto midfielder Michael Bradley a hlawh hnem ber a. Roma tan pawha khel tawh Bradley hian £5.1m a hlawh dawn a, MLS player zingah ani aia hlawh hnem chu Kaka leh Toronto tana a khelhpui Italian striker Sebastian Giovinco(£5.5m)-te chiah an ni.

David Villa(£4.4m) leh Andrea Pirlo(£4.6m)-te pawh player hlawh hnem zingah an tel phak a, New York City player pahnih hi player hlawh hnem palina leh pangana an ni. English left back LA Galaxy tana khel mek Ashley Cole-a'n mak tak maiin season khatah £294,283 bak a hlawh pha lo.

MLS-a player hlawh hnem zual Top 10:

*Kaka (Bra), Orlando City, £5.6m

*Sebastian Giovinco (Ita), Toronto, £5.5m

*Michael Bradley (US), Toronto, £5.1m

*Andrea Pirlo (Ita), New York City, £4.6m

*David Villa (Spa), New York City, £4.4m

*Giovani dos Santos (Mex), LA Galaxy, £4.3m

*Bastian Schweinsteiger (Ger), Chicago Fire, £4.2m

*Clint Dempsey (US), Seattle Sounders, £3m

*4.4mDiego Valeri (Arg), Portland Timbers, £2m