Goa-a khelh mek Narional Women Junior Football Championship-ah Mizoram chuan quarter final a lut ta.
Mizoram hian vawiin (Oct 10) tlai khan Gujarat chu 4-0 in an hneh. Hemi hma hian Uttar Pradesh leh West Bengal an lo hneh tawh bawka, khelh thumah chak vekin point kua an hmu a, group champion an ni.
Mizoram team enkawltute chu anmahni tawiawmtu Goa Mizo Welfare Association chungah an lawm tak zet a, Goa Mizo awmte hian inkhela an tawiawm thin bakah player inhliam an buaipui a, damdawi in-a awm Mizo player pawh riahpuiin an buaipui vek a ni.
Mizoram 4-0 Gujarat
Grace H Lalrampari, Salem Veng 2 goals; Offee Lalhmingchhuanpuii, Ramthar Veng 1 goal; B Vanlalhriattiri, Tlungvel 1 goal
picture credit : MFA