October ni 26 Nilaini ADFA 1st Division League inkhelah Mizoram Police FC chuan Police meet ankal hma an match hnuhnung berah 5-2 in Chaltlang FC an hneh a, Phase 1-ah 3-1 in anhneh tawh a, an intawn vawihnih naah hnehna an chang nawn leh ta a ni. 

Mizoram Police FC hian Point 31 nei tawhin table-ah hmahruaitu annih chhunzawm zel a, Match 13 khel tawhin ankhelh hmabak erawh anlo hawn hunah ankhelh chhunzawm tawh ang.  October ni 28, Zirtawpniah All India Police meet khel turin Nagaland pan ang.

 02:00 PM Mizoram Police FC 5-2 Chaltlang FC

(Lalsangbera 20', Lalfakawma 41', V Laltanpuia 45+2', 63', Lalbiakhlua 59') (Johny Lalfakzuala 21', 51')

Inkhel tan a ni a, team pahnih te an innawr tawn zak zak hnuah Mizoram police FC chuan an chance neih hmang tangkai hmsa zawkin minute 20-ah Mizoram Police FC winger Sangbera chuan goal hmahruai akhung a,  mahse an hruai reilo kher mai; minute 1 pawh aral leh hmain Chaltlang FC player lak thar MPL club Dinthar FC, Aizawl FC leh Chanmari FC tan pawh a khel tawh Johny Lalfakzuala chuan an si phurh sutna goal-a khung nghal a, 1-1 in chawlhlawk an hmang dawn emaw tih hnuah Mizoram Police FC tan Fakawma leh Tri-a goal khung leh in 3-1 chawlh lawk an hmang ta a ni.

Second half-ah Mizoram Police FC chuan inkhel thunun mahse goal erawh an thun belh mai thei lo;  minute 51-ah Chaltlang FC tan Johny-a bawk chuan halfway line bul atangin an goal hnihna akhung leh a,  Mizoram Police FC chuan nawr let nghalin minute 59-ah Biakte chuan an goal lina akhung ve leh nghal zat bawk.  Minute 4 pawh aral lo, Mizoram Police FC tan Tri-a bawk chuan an goal ngana akhung leh a, in Mizoram Police FC chuan 5-2 in hnehna an chang ta a ni.

(adsbygoogle = window.adsbygoogle || []).push({});