Goa-a National Hunior Womens Football Championship khelhah tukinah (Oct 15) Mizoram an chak lo, Delhi-in 6-4 in an hneh. Orissa lakah 1-3 in an chak loh tawh avangin semi final luh a beiseiawm ta lo.
Mizoram hi group stage-ah an chak chiang thei hle a, quarter final league-ah erawh an chak lo ve ve a ni.
Mizoram team hi damlohnain a tlakbuak nual a, Hospital-ah mi 2 dah an ni a, pakhat phei chu nunna atana hlauhawm dinhmunah awm hmanin AIFF, leh Goa FA lamin nasa takin an buaipui a, MFA hruaitute nen inrawnin Goa Mizo Welfare lamin an riahpui/menpui hial a ni. Heng player te hi inkhel pawimawhah an chhawr thei lo.
Mizoram hian Oct 17-ah a thlengtu Goa an la tum leh ang. Mizoram hian hmalam thlie chungin team naupang tak tirin a thente chu nikuma Grasroots lama kalte an la ni nawk a; an khelh dan an thlirin team enkawltuten India ram hmeichhe football-ah kan tih tak tak chhoh chuan hmabak èng tak kan nei tih an rawn sawi a ni.
MFA Women Wing lam pawhin tun season chhungin theihtawp chhuah chhunzawm zel an tum a, MFA General Body Meeting-ah pawh District FA tinin tun season chhungin hmeichhe inkhel eng level-ah emaw tal buatsaih turin a lo rel tawh bawk a ni.