Tun season-a ropui taka Liverpool tana khel Mohamed Salah chu Barcelona superstar Lionel Messi ang mai a nih thu Brazil legend Ronaldo chuan a sawi.

(adsbygoogle = window.adsbygoogle || []).push({});

Real Madrid stirker hlui Ronaldo hian Mohamed Salah chu 'awiawmloh' tiin a sawi a, tun season-ah Barcelona player Lionel Messi ang mai a nih thu a sawi.

Salah, kum 25, hian Liverpool tana a season hmasa berah hian goal 44 lai a khung a, Premier League-a player tha bera thlan a ni.

Champions League final khelh mai turah Liverpool innghahna a ni ang.

Brazil legend Ronaldo chuan Salah hi tha a ti em em a, Barcelona forward Lionel Messi nen an inan thu a sawichhuak hial.

"Salah, ka ngaina hle a ni. Player 'awiawmloh' khawpa tha a ni," tiin El Partidazo a hrilh.

"Messi a ang sawt hle a ni. Tun hnaiah Salah hian min ngaisang a ni tih ka lo hre ve a, phurna nasa tak min pe a ni," tiin a sawi.

Salah a khel tha em em a, chutih rualin mitam takin Champions League-ah Real Madrid an dahsang zawk thung.

Ronaldo pawh hian a lo khelh thinna Real Madrid chuan Liverpool an hneh a rin thu a sawi.

"3-2 in Real an chak ka ring," tiin a sawi.

"Ka rindan mai mai a ni a, Liverpool hian tun season-ah mi rinloh tak tak thil an lo ti tawh a, final-ah hian an ti leh a nih pawhin a mak lo ang.

"Real pawh hian harsatna an tawk chho a, mahse a hun takah an paltlang thei zel a, thil ropui tak min hmuh tir a ni," tiin a sawi.