March ni 8, Nilaini khan Mizoram Football Association (MFA) Cup Thuamluaia Mual, Lungleiah semifinal khelh a ni a, Bethel FC, Champhai DFA leh Mizoram Police, Aizawl DFA chuan ankhingpui ve ve hnehin final anlut ta a ni. Final hi March ni 10, Zirtawpni chawhnu dar 1:00 PM-ah khelh tur a ni ang.

11:30 AM Bethel FC, Champhai DFA 2-0 Bazar Veng FC, Lunglei DFA

(T Lalramsanga 38', Christopher Lalthlamuana 85',)

Final luh inkhel hmasa zawkah Bethel FC, Champhai DFA chuan sihnih faiin mual neitu Bazar Veng FC, Lunglei DFA an hneh a, final an lut ta a ni. Bethel FC tan T Lalramsanga leh Christopher Lalthlamuana chuan goal khat ve ve an khung.

Goal lut te hi first half leh second half-a lut an ni a, Bethel FC tan first half minute 38-ah T Lalramsanga chuan goal hmahruai akhunga, mual neitu Bazar Veng FC chuan an siphurh sut tumin nawr viau mahse goal erawh an thun thei lo.

Second half-ah mul neitu Bazar Veng FC chuan inkhel thunun zawkin chance nei nual mahse, mikhual Bethel FC tlarhnung an paltlang thei lo. Bethel FC chuan an chance neih hmang tangkaiin minute 85-ah Christopher Lalthlamuana chuan an goal hnihna akhung leh a, Bazar Veng FC chuan an siphurh sut ngei tumin counter attack-in nawr mahse, goal an thun thei lo.  Mual neitu Bazar Veng FC chu 2-0 in an tlawm ta a ni.

01:30 PM Project FC, Kolasib DFA 3-3 Mizoram Police, Aizawl DFA

(Penalty-ah Mizoram Police 5-4 in an chak)

(Ricky Rohmingliana 4', Alan Malsawmzela 83', 116') (Lalfakawma 25;, R Vanlalhriata 73', Lalruatdika 120+1')

Inkhel hnuhnung zawkah Project FC, Kolasib DFA leh Mizoram Police, Aizawl DFA te Ruahsur hnuiah inkhel hmuhnawm tak an khel a, hun pangngaiah 2-2 a inhneh tawkin; extra time ankhel leh a, chutah pawh goal khat ve ve lutin 3-3 in an inhneh tawk a, penalty shoot out-a chak zawk zawn a nih hnuah Mizoram Police chuan 5-4 in hnehna an chang ta a ni.

Project FC tan Alan Malsawmzela chuan goal hnih akhunga, Ricky Rohmingliana chuan goal khat akhung ve bawk. Mizoram Police tan Lalfakawma, R Vanlalhriata leh Lalruatdika ten goal khat theuh an khung bawk

(adsbygoogle = window.adsbygoogle || []).push({});