November ni 13 atanga ni 24 chhunga neih tur 3rd Hrangbana Memorial Mizoram Badminton League Players Auction chu October ni 28, 2017 (Zirtawpni) zan khan neih a ni a, player zingah Samuel Lalnunmawia chu Tuikual Shuttlers chuan Rs. 35,000 in an lei a, Lalmuanawma pawh Hlimen Shuttlers chuan Rs. 35,000 in an lei bawk.

Lalduhawma chu Mission Vengin Rs. 32,500 in an lei a, F. Vanlalhriatpuii chu Zotlang Rockets chuan Rs. 19,500 in an lei a, Lalrinzuali chu Chanmari Evening Stars-in Rs. 19,500 in an lei bawk.

MBL hi Mizoram Badminton Association buatsaih niin a kum thum nan Hrangbana chuan a sponsor a, R. Dengthuama hall-ah khelh a ni ang. Zonet Cable Pvt. Ltd chuan match zawng zawng a live telecast bawk ang a, tin, inkhel.com chu online media partner an ni bawk a ni.

MBL3-ah hian season dang zawng aiin team an tel tam a, team 8 awmin Mission Veng, Hlimen, Kanan, Chanmari, Tuikual, Zotlang, Siaha leh Champhai team te an inel anga, team tinin player 4 theuh an nei bawk a ni.