MBL 3 khelh chhunzawm zel niin zan lina-ah Tie hnih awmin Zotlang Rockets leh Southern Acer Siaha-te'n hnehna an chang.
Tie hmasa zawkah hian Zotlang Acers leh Hlimen Shuttlers intumin Mixed Doubles, Men Singles 2 leh U-19 Boys Singles-ah Zotlang lamin hnehna an chang a, Mens Singles 1 leh Mens Doubles-ah Hlimen lam chak mahse Zotlang lamin 3-2 in Tie an la.
He Tie-ah hian Hlimen Shuttlers tana point 2 thawkchhuaktu leh MBA Player Senior Lalmuanawma chu Player of the Tie ah thlan a ni.
Ti hian Pool A-ah Zotlang leh Tuikual te'n point 6 ve ve hmuin hma an hruai a, Kanan leh Hlimen-te hian point 4 ve ve hmuin an hnung an dawl thung a ni.
Tie hnung zawkah Pool B lam ațangin Southern Acers Siaha leh Chanmari Evening Stars-te an inkhel veleh a,Siaha lam hian an state pawn player Akshit Mahajan hmangin Match hmasa pahnih Mixed Doubles leh Mens Singles 1 rawn la nghalin, Mens Singles 2-ah pawh Siaha tan M. Joseph chuan point a rawn thawkchhuak leh a ni.
Mens Doubles-ah erawh Chanmari lamin chakna an chang a, U-19 ah pawh Mizo junior-in Chanmari state pawn player a hneh lo bawk.
Tie a zawh meuh chuan Siaha lamin 3-2 in Tie chakna an chang a, he Tie-a Siaha tana a zawna point hnih thawkchhuak thei Akshit Mahajan chu Player of the Tie-ah thlan a ni.