MBBA Division League 2017 chu Hawla Indoor Stadium, Republic Vengthlangah khelh mek zel a ni a, January ni 16, Thawhlehni khan Division I inkhelah MSL kai tura tam takin an beisei VR-4 chuan BC Bethlehem chu 73-55 in an hneh.
VR4-in quarter tir atangin hma an hruai nghal a, half time-a an dinhmun chu VR4 37- 23 BC Bethlehem a ni.
3rd quarter-ah BC Bethlehem game a kang chho, point 19 thun belhin VR4-in point 18 an hmuh belh bawk a, mahse quarter hnuhnung berah VR4 chuan BC Bethlehem rawn pawng zel tur nemtlumin khelmualah thuneihna an chang a, point 18 in a tawpah hnehna an chang.
Division II inkhelah Vanguard chuan 83-44 in Saron BC an sawp a, quarter hmasa berah 24-4 a hma hruai nghalin chak tur a hriat nghal ruak a tih theih ang.
Leitan Titans chuan 66-35 in Upper Republic an hneh bawk a, Leitan pawh hi inkhel tir atanga a tawp thlengin an khingpuite lakah an chungnung a, Division II team an inkhan lo viau mai.
Division II inkhel dangah Chrisfour chuan 79-60 in Sultans an hneh a, he inkhel hi Chrisfour Jersey no.11 Vanlalhuma show a ni ber mai a, poinf 44 zet thunin team pumpui point thun zahve aia tam daih amahin a thawkchhuak!
Jan.17 (Thawhlehni) Fixtures
9:00 AMLast King vs Fantasy (Div II)
10:30 AMBungkawn vs Mohicans (Div II)
12:30 PMChronix vs Chaltlang SC (Div II)
2:00 PMTuikual South Youth vs Ramhlun SC (Div I)