Manchester United chuan tun nipui bazar khar ni khan Monaco atangin £36million laiin kum 19 mi Anthony Martial an lei, heti zat chiah hi Martial man a la ni lo a ni awm e !
United chuan Martial manah £36million an pe a, hei ai pawh hian Martial man hi a la to thei dawn tlat mai, add-ons leh bonuses te nen phei chuan Martial man hi £58million lai a kei thei dawn, hei vang hian Monaco vice president Vadim Vasilyev chuan Martial man hian United chuan Suarez emaw Neymar emaw an lei theih a ring a ni.
Vasilev chuan transfer deadline-a United-in Martial lei nana sum an thehchhuah kha a tam tham em a, an hnial thei ta lo niin a sawi. Vasilev hian Martial man tam a tih thu The Sun a hrilh a,
"Martial-a man hi £58million vel lai a kai chho thei dawn alawm bonuses vel te nen phei chuan, a tam asin, khawvela player tha ber ber Neymar emaw Suarez emaw man hu vel a ni tlat mai.
"Chawlhni khan sawmna duhawm tak kha a dawng a, engemaw ti turin Martial chuan club hotute min ti. Thawhtan zingah United chuan kan hnar phal hauh loh tur khawpa sum tamin min rawn dawr ta a.
"Tun dinhmunah chuan English Football an hausa chho mek, Manchester United hian player an lei dawn a nih chuan hnar an har chho zel dawn a nih hi," tiin a sawi.
Nizan khan Martial chuan France tan Senior team-ah a debut a khel a, si khat faiin Portugal an hneh a. Second half-ah Martial hian Benzema a thlak a ni. He match-a goal awmchhun hi free kick atanga Mathieu Valbuena khung a ni.
picture credit : Getty