An game paliah hnehna an chang zo lo, goal 9 an chhuah laiin clean sheets vawi hnih chiah an nei, Manchester club pahnihte aiin point 5 in Liverpool an hnufum mek.

Jurgen Klopp chuan Manchester United leh Manchester City chetthat avangin Liverpool che tha lo deuh chu a langsar mai niin a ngai. Carabao Cup-a Leicester City laka an tlawm hnuah Premier League-ah an inhmachhawn lehnghal dawn, press conference a hmachhawnnaah Klopp chuan,

"Manchester team te an chetthat em avangin kan tan harsatna a thleng mek. Hetih lai hian thil kalphung hi ka thunun theih loh thil a ni a, tunah chuan hahdam taka awma, kawng dik zawh tura team kalpui a ni, chu chu ka tih thin dan a ni bawk.

"Hetiang thilah hian ka chiai ve ngai lo, tunah hian point 8 kan nei a, game li kan khelhah khan team tha zawk kan ni, chutih laiin results duhthusam kan hlawhchhuak lo mai chauh a ni.

"Football-ah chuan hetiang hi thil thleng ve reng a ni a, chutih laiin kan defending erawh a tha lo hle. An duh danin min sawisel thei alawm, mahse kei chuan chu chu ka ngaihtuah dan a ni ve ngai lo," tiin a sawi.