Sutton United khelmualah Arsenal chuan 2-0 a hnehna changin FA Cup quarter final an lut.
FA Cup 5th round inkhel hnuhnung berah Arsenal chuan Sutton United 2-0 in an hneh a, Theo Walcott-a'n Arsenal tan a goal 100-na khungin mel lung a phun thar. Lucaz Perez chuan Arsenal tan goal hmahruai a thun bawk a, striker tha a nihzia a lantir bawk.
Sutton 0-2 Arsenal
(Perez 26', Walcott 55')
Sutton (4-1-3-2): Worner; Beckwith, Collins, Downer, Amankwaah; Bailey; May, Eastmond, Gomis; Deacon, Biarnou.
Sutton substitutes: John, Hudson-Odoi, Fitchett, Spence, Monakana, Tubbs, Shaw.
Arsenal (4-2-3-1): Ospina; Gabriel, Mustafi, Holding, Monreal; Elneny, Xhaka; Lucas Perez, Reine-Adelaide, Iwobi; Walcott.
Arsenal substitutes: Debuchy, Gibbs, Mertesacker, Sanchez, Oxlade-Chamberlain, Martinez, Maitland-Niles.
Arsenal tan regular tak a khelh chang theilo spanish striker Lucas Perez chuan minute 26-naah goal hmahruai a thun a, Xhaka ball pek chu khelmual danglam atangin defender pakhat a bum hnuah Perez hian nalh takin a pet goal. Arsenal hian game-ah an hneh zawk a, inkhel an thunun tluan a tih theih.
Second half-ah Arsenal bawkin goal an thun leh a, tan atanga minute 10-na lekah Walcott chuan Arsenal goal hnihna a thun a ni. Khelmual veilam atanga ball lo kal chu Alex Iwobi-a'n Walcott-a tan a pe a, a pet goal chiang hle. Walcott hian Arsenal tan a goal 100-na a khung ta chiah bawk. Sutton tan Gomis che na viau mahse goal an thun thei lova, team te an nihna a lang deuh. Tin, Arsenal defender-te chetthat zan a ni a, Ospina-a'n Sutton player a pass sual tihloh chu goal chance hlauhawm an nei meuh lo.
Perez hian khelh tam a phu em?
Arsenal goal hmasa khungtu Lucas Perez hian hman ni lawk khan chhuak tura a in peih reng thu a sawi a, khelhna hmun a chan tam loh avangin chhuak pawh nise thilmak a ni hranlo. Nimahsela Sutton an hmachhawn tumin inkhel bul tantir a ni a, Gunners goal hmahruai a thun.
Lucas Perez hian Arsenal tan inkhel vawi 9 a start tawh a, goal 7 a thun tawh bawk. Tin, Perez hian a thiante goal thun tur vawi thum a siamsak tawh bawk a, Man of the Match vawikhat a ni tawh bawk. Perez hi a inkhelh chhunah a khel chhe ngai lova, Arsenal tan a thawh hlawh thei hle, nimahsela heti chung hian regular tak a khelhtir erawh a ni ngai lova, tunhnaiah phei chuan titi titam tu pakhat a ni.
A landan mai chuan Lucas Perez hian tun aia tan zawk inkhelh a phu niin a hriat a, Arsenal chetchhiat lai a ni bawk nen Perez hi mamawh chhanna a ni thei hial a ngaitu pawh an tam hle.
(adsbygoogle = window.adsbygoogle || []).push({});
A record enin striker chhia ti a sawi a thiang lova, heti chunga khelhna hmun a chang tam lo a nih zel chuan summer transfer hunah Arsenal a chhuahsan ngei a rinawm. Perez hian 2018 World Cup-ah ram tan a inlan ve ngei a duh a, hemi atan hian tun atanga inkhelh tam a mamawh a ni. Arsenal-a bench a thut reng ai chuan eng club pawh nise a inkhelh tam theihna a zawn mai a rinawm.
Alex Iwobi hi Arsenal tan season kal mekah vawi 21 a inlan tawh a, goal thum thun tawhin assist vawi 3 a nei tawh bawk. Perez nen a khaikhin chuan an statistic a in thlua hle a, heti chunga Perez khelhtir a nilo fo chu hriatthiam a har thu Perez-a agent chuan a lo sawi ve bawk a, Perez hi a lungawi zan loh thu a sawi bawk a ni.