August ni 11, Inrinni zan khan LG Independence Cup semifinal hnuhnung zawk MPL kai thar Electric Veng FC leh Champion lai Chhinga Veng FC ten an khel a, Chhinga Veng FC chuan 2-0 a Electric Veng FC hnehin final an lut ta a ni. August ni 15, Nilaini tlai dar 4:00-ah Aizawl FC nen final an khel ang.

Chhinga Veng FC tan Lalrinchhana leh Lalthlamuana chuan goal khat ve ve an khung. He inkhelah hian Chhinga Veng FC winger F. Lalnuntluanga chu Man of the match-ah thlan a ni.

07:00 PM Electric Veng FC 0-2 Chhinga Veng FC

(Lalrinchhana 36', Lalthlamuana 62')

MoM: F Lalnuntluanga, Chhinga Veng FC

MPL kaithar Electric Veng FC hian league round an match hmasa berah Aizawl FC an hneh a, Chanmari FC leh Ramhlun North FC an draw hnuah Bethlehem Vengthlang FC hnehin semifinal lut mahse, final erawh an thleng pha ta lo a ni.

Chhinga Veng FC hian league round-ah hneh loh neilo in an match an khel zo a, Kanan FC, Mizoram Police FC, Jamshedpur FC leh Chawnpui FC te an hneh a, semifinal-ah Electric Veng FC hnehin final an lut a ni.

First half-ah goal khat a lut a, Chhinga Veng FC chuan inkhel thunun zawkin goal thunna hun tha MS Dawngliana (Dawngtea) chuan nei mahse, a hmang tangkai lo. Electric Veng FC pawhin goal thun ngei tumin nawr let mahse clear chance an nei thei bik lo. Chhinga Veng FC chuan minute 36-ah free kick atangin midfielder Lalrinchhan chuan mawi takin goal hmahruai a khung. Chhinga Veng FC chuan 1-0 a hmahruaiin hun chanve an hmang zo.

Second half-ah Electric Veng chuan an siphurh sut ngei tumin an nawr nghal a, Zomuanpuia chuan a hun tha neih a hmang tangkai thei lo. Chhinga Veng FC chuan an hun tha neih hmang tangkaiin minute 62-ah Dawngtea goal shot tha zet Electric Veng FC keeper Vannunmawia namper chu box chhunga awm Lalthlamuana (Thlatea) chuan nangchinin chiang zetin an goal hnihna a khung. Electric Veng FC an talbuai. Goal thun an tumna lamah defender Zomuana chu hnawh chhuah a ni a, player sawmin an khel zui bawk nen huntawp thlengin goal a luh belh tawh lo a, Chhinga Veng FC chuan sihnih faiin hnehna an chang ta a ni.

(adsbygoogle = window.adsbygoogle || []).push({});