10 Aug 2018 11:12

inkhel

​LG Independence Cup Women's Football: PUC-in Final an lut

LG Independence Cup Women's Football Tournament semifinal hmasa zawk chu August ni 10, Zirtawpni tlai khan AR Lammualah Pachhung University College leh Industrial Training Institute (ITI) ten an khel a, Pachhunga University College chuan 4-1 a hnehna changin final an lut ta a ni.

PUC tan Grace Lalrampari chuan goal hnih a khung a, Vanlalhriatkimi leh Lalthansangi chuan goal khat ve ve an khung bawk. ITI tan K. Ngopawdi chuan goal khat a khung ve bawk.

Pachhung University College 4-1 ITI

(Grace Lalrampari 8', 70+3', Vanlalhriatkimi 43', Lalthansangi 45' (K. Ngopawdi 16')

First half-ah goal hnih a lut a, goal hmasa ber hi minute 8-a lut a ni a, Pachhunga University College tan Grace Lalrampari chuan an hmahruaina a khung chu minute 16-ah ITI tan freekick atangin K. Ngopawdi chuan an siphurh sutna goal a khung ve thung.

Second half-ah goal hnih a luh belh a, Pachhunga University College chuan an tawn hriat neih hmang tangkaiin minute 45-ah Grace Lalrampari free kick tha zet chu ITI keeper Nancy VL Hmangaihsangi chuan namperin, chumi per chu box chhunga awm Vanlalhriatkimi chuan an goal hnihna atan akhung a, Lalthansangi chuan an goal thumna khung leh in huntawp dawn injury time-ah Grace Lalrampari bawk chuan an goal li na khung leh a, Pachhunga University College chuan 4-1 in hnehna an chang ta a ni.

Semifinal hnuhnung zawk hi August ni 11, Inrinniah neih leh a ni ang a, tlai dar 4:00-ah Entertainment programme a awm ang a, dar 5:00-ah Hmeichhia semifinal Govt Aizawl College leh Govt Maubawk HS ten an khel ang a, zan dar 7:00-ah Mipa semifinal Electric Veng FC leh Chhinga Veng FC ten an khel ang.