LG Independence Cup Women's Football Tournament semifinal hnuhnung zawk chu August ni 11, Inrinni tlai khan AR Lammualah Govt Aizawl College leh Govt Maubawk High School ten an khel a, hun pangngaiah 1-1a an inhneh tawk hnuah penalty shootout-in chak zawk zawn a ni a, Govt Maubawk chuan 3-0 a hnehna changin final an lut ve ta a ni. Pachhunga University College nen August ni 15, Nilaini tlai dar 2:00-ah final an khel ang.

05:00 PM Govt Aizawl College 1-1 Govt Maubawk High School

(Lalhlupuii 56') (Lalbiakdiki 68')

(Penalty shootout-ah Govt Maubawk HS 3-0 in an chak)

Goal lut te hi second half-a lut ve ve an ni a, Govt Aizawl College chuan an hun tha neih hmang tangkai hmasa zawkin minute 56-ah Lalhlupuii chuan free kick atangin goal hmahruai a khung a, Govt Maubawk HS chuan minute 68-ah an hun tha neih hmang tangkai ve bawkin Lalbiakdiki chuan free kick atangin an siphurh sutna goal khung ve bawkin hun pangngaiah 1-1 an inhneh tawk ta a ni.

Penalty shoot out-in chak zawk zawn a ni a, Govt Aizawl College tan a pettu ten goal khat mah an thun lo a, Govt Maubawk HS tan Lalbiakdiki, Lalramdintluangi leh Lallungmuani te chuan an pet goal vek a, 3-0 in hnehna an chang ta a ni.

(adsbygoogle = window.adsbygoogle || []).push({});