Inkhel inhnehtawk tak leh hmuhnawm takah Kulikawn CC te chuan wicket thumin Zemabawk Pitchers an hneh.

Toss a vannei zawk Zemabawk lamin Mahuma Memorial Cricket Tournament kal laiah hneh an la neih loh avangin Kulikawn hneh ngei tumin vuak hmasak an thlang a, bul chhe lutukin tan lo mahse an middle order batsmen hovin run tlem te te rawn vaw chhuak mahse a tawp la an zuih tlat.

Opener Emmanuela'n run siam hnem berin run 25 a rawn vaw chhuak a, tun Tournament kal lai a wicket la hnember H. Zothanchhunga bawk rawn inlar lehin over 5 a vawmah run 25 pein wicket 5 ngawt a la a, Zemabawk Pitchers-te hi over 25-ah run 102 siamin an out zo vek a ni.

Zemabawk Pitchers lamin target hniam tak an set avangin an bowling leh fielding an tang hle a, Kulikawn CC top 5 batsmen te zingah run 5 aia siam tam tumah an awm lova, Zemabawk lamin an chak thei mai dawn emaw an intih laiin Lalbiaktluanga (38) leh Rosiamliana Ralte Junior (21) ten Kulikawn an rawn chhan him.

Over 39.3-ah Kulikawn te hian an target hi wicket 7 hlohin an umpha hram a, Kulikawn CC te hian Zemabawk Pitchers te hi wicket 3 in an hneh a ni. Pitchers bowler ah Zomuansanga leh Lalremthara ten wicket hnih ve ve an la a ni.