Real Madrid forward Cristiano Ronaldo chu a chhuak duh a nih ngat chuan Juventus-in an duh reng thu leh Juve a pan a nih ngat chuan a lawm em em tur thu Alessandro Del Piero chuan Marca a hrilh.

Chhiah €14.7million chuang awlru niin Spain-ah puh a ni mek a, hei vang hian Ronaldo chuan Spain chhuahsan mai pawh a duh thu a sawichhuak hial.

A club hlui Manchester United leh PSG te chuan Ronaldo hi an duh nia sawi mek a ni a. Italian Champions Juventus pawhin Ronaldo hi an duh tih Del Piero thusawi atang hian a chiang hle.

Juventus tana Serie A title 6 leh champions league title pakhat la tu Del Piero chuan, "Champions League title hi lak leh ngei kan tum a ni.

"Ronaldo hi Real Madrid-ah a hlim lo a nih a; chhuah a duh a nih ngat chuan, Juventus chu kan inhawng reng a nia," tiin Marca chanchinbu a hrilh.

Tun season liamta Champions League final-ah khan Real Madrid chuan 4-1 in Juventus an hneh a, hnehna an chan theih nan hian Ballon d'Or vawi 4 la tawh leh kum 2021 thlenga Real Madrid-a contract nei Ronaldo chuan tha a thawh hlawk hle.

Kum 1996 hnu lamah Juventus hian Champions League trophy hi an la chawi leh lo. Italy-ah chuan an vawklallen a, hei vang hian European title lak chu tuna an duh ber a ni, title an lak theih nan Del Piero chuan Ronaldo chu Juve tana tangkai tak a nih a ring a ni.

Pictures credit : Getty