Inter District Sub-Junior Football Championship final chu November ni 30, Ningani khan khelh a ni a, Kolasib District chuan chuan 1-0 a Aizawl District hnehin an champion a,  goal awm chhun hi Lalthangliana'n minute 28 naa a thun a ni.

Team pahnih te hi league round-ah inhmachhawn tawhin Kolasib hi 4-0 in an lo chak tawh bawk a ni. 

Inkhelh tan phat atangin Aizawl District in chakloh nawn an tum loh zia an lantir nghal a,chutihlaiin team pahnihte an fimkhur dun hle a, pumraw lian zawk Kolasib lamin ball an chang hnem zawk a, Kolasib tana goal khung thei em em mai Lalthangliana chu Aizawl Defender ten an dang zo ta lo a ni.

Final ah hian Pu Pachhunga, SDO (Sadar) chu khuallian niin khatna hun tawite buatsaih a ni a, inkhelh zawhah lawmman te sem a ni.

Aizawl District chuan Fair Play lawmman an dawng a, Kolasib player Lalmuanpuia chu best player a thlan niin goal 9 khungtu, Kolasib forward Lalthangliana chu top scorer a ni.

(adsbygoogle = window.adsbygoogle || []).push({});